ФАВРӢ: Нақши рушди соҳибкории хурду миёна дар соҳаи туризмҲавопаймои амрикоӣ суқут кардФоруми ҷаҳонӣ оид ба сиёсати ҷавонон дар Боку“Диёри ҳусн”-фестивали байналмилалӣ дар ДушанбеҶамъбасти фаъолияти низоми бонкӣ дар нуҳ моҳ

Шаҳриён ба ниҳолшинонӣ баромаданд

Душанбе, 23 март.(АМИТ «Ховар», Марзия Саидова).- Ҷиҳати истиқболи сазовори ҷашни ҷаҳонии Наврӯз 23 март дар шаҳри Душанбе маъракаи ниҳолшинонӣ сурат гирифт. Шавкат Саидов, котиби матуботии раиси шаҳри Душанбе ба АМИТ «Ховар» иттилоъ дод, ки ин тадбир, ки яке аз анъанаҳои неки аҷдодиамон дар рӯзҳои таҷлили ҷашни фархундапайи Наврӯз буда, тибқи қарори марбутаи раиси шаҳри Душанбе Маҳмадсаид Убайдуллоев роҳандозӣ гардидааст.

Дар ин рӯз сокинони маҳаллаю шаҳракҳои пойтахт бо мақсади сарсабзу хуррам ва тозаю обод гардонидани маҳали зисти худ ба маъракаи ниҳолшинонӣ баромадаанд. Сокинони чор ноҳияи пойтахт дар маъракаи ниҳолшинонӣ фаъолона ширкат намуда, буттаю ниҳолҳои гуногуни сояафкану ороиширо,ки ба ҳусни шаҳр ва сарсабзу хуррам гардонидани он ҳусни дигар зам менамоянд, дар кӯчаю атрофи роҳравҳо ва маҳали зисти худ мешинонанд.

Ҳамзамон ба ифтихори ҷашни байналмилалии Наврӯз имрӯз соати 14.00 дар Варзишгоҳи марказии пойтахт бо иштироки гӯштингирони шинохтаи ҷумҳурӣ мусобиқаи гӯштини миллӣ гузаронида мешавад, ки беҳтарин гӯштингиронро автомошинаи хориҷӣ интизор аст.