Хизмати Ватан вазифаи пурифтихор аст

Хоруғ, 10 октябр. (АМИТ «Ховар»,  Л.Додо). – Тибқи  фармони Президенти  кишвар  моҳи октябр даъвати  тирамоҳии  ҷавонписарон ба  хизмати  ҳарбӣ  оғоз  гардид. Нахустин  шуда маросими  гусели  ҷавонон  дар  деҳаи  навободи ноҳияи  Шуғнон  ботантана баргузор  гардид. Дар  он   намояндагони  мақомоти  ҳокимияти давлатӣ,  комиссариати  ҳарбӣ, собиқадорони ҷангу  меҳнат, волидайн ва ёру дӯстони даъватшдагон ширкат  варзиданд.

Ҳангоми  сӯҳбат  бо  ҷавонон  маълум  шуд, ки  онҳо  воқеан  маънои Ватану ватандориро  дуруст  дарк  кардаанд ва  ҳар  яки  онҳо мегуфтанд, ки  хизмати Ватан барояшон шараф  аст. Танҳо  дар  ҳамин рӯз  60  дар  сади  нақшаи  сафарбаркунии  тирамоҳии  даъватшудагон иҷро  гардид.