ФАВРӢ: Баррасии масоили муҳими ҳамкории Тоҷикистону Русия дар ҳамоишМаҳфили мусиқӣ бо иштироки Г. АлександровТаъсиси Шӯрои ҳамоҳангсозӣ оид ба ҳифзи ҳуқуқи муаллифонРӯдакӣ ва суннатгароӣ дар адабиёти тоҷику форсНамоиши номгӯйи зиёди китобҳо дар Лоҳутӣ

Наврӯзи кӯдакон ва наврасони пойтахт

Душанбе, 28 март. (АМИТ «Ховар», Дилшодаи Хайруллоҳ).- 31-уми марти соли равон Муассисаи давлатии “Маркази кӯдакон ва наврасони шаҳри Душанбе» чорабинии идонаи «Наврӯзи кӯдакон ва наврасони пойтахт»-ро баргузор менамояд. 

Дар чорабинӣ намоиши ҳунару эҷоди кӯдакон, консерти истеъдодҳои наврас, мусобиқаҳои варзишӣ ва баргузории хатнасури кӯдакони оилаҳои ниёзманд дар назар дошта шудааст,- гуфт директори маркази мазкур Комилҷон Холов.

Ёдовар мешавем, ки дар доираи таҷлили ҷашни Наврӯзи байналмилалӣ аз ҷониби ниҳодҳои давлативу ҷамъиятӣ чорабиниҳои мухталиф давом доранд.
Бовар дорем, ки баргузории «Наврӯзи кӯдакон ва наврасони пойтахт» барои беҳтар намудани омӯзиши ҳунар ва эҷодкории наврасон ҳиссаи арзанда мегузорад.